مـقــطـتـفات ادرنـيــة

مقتطفات اردنية !!!





إذا بيوم من الأيام حضرت عرس ...ونزلت الشباب عالدبكة وبلش العرق يزرب...وحميت مع أبواسماعين (رقيب متقاعد) وسحب الكلاشنكوف وطررررررر...بلش طخ عن جنب وطرف وهو برقص وبدبك ...

وسقط ثلاث شهداء من جراء القصف العشوائي ....... ابتسم أنت في الأردن..انت بتحضر عرس أردني .




إذا تجوزت ...والناس واقفيتلك عالمسطرة بتستنا أسبوع العسل لما يخلص عشان يفيعو عليك ويهجموا هجمة رجل واحد..وكل واحد فايت يا يجيبلك طقم فناجين قهوة...ياصينية...وبالآخر بتحوشلك سبعطعش طقم قهوة وحدعش صينية واستنا مناسبات عشان ترجعها لصحابها...بتكون بتمارس واجباتك الاجتماعية بالأردن...ابتسم...




إذا فتت إنت ومرتك أو خطيبتك أو صاحبك على قهوة وأجتك المنيو...القهوة بليرة..الميلك شيك أبوفراولة بليرتين..وحضرتك طلبتهم..شو ثلاث ليرات..ولا إشي ..

ولما أجت الفاتورة ولا هي بقدرة قادر خمس ليرات وثلاثين قرش...كيف ما بتعرف ...

ابتسم .... أنت بتمارس الرفاهية في الأردن ....



إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا نسايبك يا مخاولك (سوم هاو ) وكل واحد الا بيسألك بتعرف فلان الفلاني...هذا إبن عم جدتها لبنت عم مرة أخوي اللزم...هاتلك بوسة يا زلمه...اممممموا...امممممممممممموا ...ابتسم فأنت في الأردن.



إذا كنت ماشي بسيارتك مستعجل بدك تلحق موعد..ولا الشارع مليان سيارات عن اليمين والشمال...إمشي ..إمشي والسير يالله ماشي...فجأة بتشوف هالسيارة المزينة...وكلها ورد وشبر...والعريس النظوة حاط نيوترال وداحل....وليش السير واقف..لإنه كل واحد من المحترمين اللي بالفارده بده يوقف خمس دقايق جنب سيارة العروس وينظر النظرة الأخيرة عالعروس ....هنيال ابوها...إذا صار معك مثل هالموقف مش تبتسم بس...اضحك واقلب على ظهرك...إنت بالأردن يا عمي ...



إذا كنت بصلاة الجمعة...كلك إيمان وخشوع بعد الخطبة المؤثرة..والإمام صوته ما شاء الله..بيدغدغ القلوب...وأول ما يسلم الإيمان وخلصت الصلاة سمعت :

" أحمر يا زر البندورة...ليرة البوكسه ليره "

"أصابيع البوبو يا خياااااااااااااااااااااااااااار...أ ربعه كيلو بليره...يالله يالله "

"عالسكين يا بطيييييييييييييييييييييييخ....أحمر أحمر يا بو قرعه...ابتسم وابتسم وخلي طواحينك يبينو...إنت على باب جامع بالأردن

ههههههههههههههههههههههههه
حلو في كلامات مافهمتها محتاجين مترجم
شكرا علي احلي موضوع

ههههههههههههههههه شو مافهمتي غريبه
حتي انا مافهمت الاشوي ترجملنا ادمن شو رايك

انا مارح اعلق عالموضوع بس انا عندي اقتراح بالنسبه لزملائي المنتسبين بهالمنتدى بطلب من زميلنا ادمن اذا كان عنده فضى ينسق مع كل الزملاء المنتسبين بهالمنتدى ان نجتمع في مكان واحد ونشكل قرووب نذهب معا الى الاردن في رحلة جماعية ونرى ما كتب على ارض الواقع ونشاهد مغارة اهل الكهف ايضا
طبعا اقول هذا الكلام لاني اعرف ان اخي ابو محمد يحب السياحة والسفر
شــــــــــو رأي زملائنا بهالاقتراح حلو.........انتضر الرد.....موج البحر

تعرف والله فكره حلوه بعرف ملاك الطائر تموت وتروح علي الاردن
ههههههههههههه
وخلي ادمن يترجملنا الي مو مفهوم
يلا موج رتب لرحله ههههههههه

والله ياريت بتمني اشوف الاردن سمعت السياحه حلوه عندهم
خلي ادمن يوافق ونروح فراشه هههههههه

متحمسين شايف يالله خلص بكرة منروح منستاجر متور ومنطلع
شو بدكم ترجم قولوت وتكرم عيونكم

ههههههههههههههههههه ولايهمكم يابنات بنسافر في يوم من الايام
هههههههههههههههه موضوع رائع بجد شكراا

شكرا يا سكون الليل على المرور